Pahinante natagpuang patay
BULGAR
Apr 25, 2022
1 min read
@Balitang Probinsiya | April 25, 2022
ALBAY – Isang 47-anyos na pahinante ang natagpuang patay kamakalawa sa loob ng isang trak sa Bgy. 1, Bacacay sa lalawigang ito.
Sa kahilingan ng pamilya ay hindi na pinangalanan ang biktima.
Nabatid na ilang kasamahan sa trabaho ng biktima ang nakatagpo sa bangkay nito sa passenger seat ng nasabing trak.
Agad ipinagbigay-alam ng mga kasamahan sa trabaho ng biktima sa pulisya ang pagkakatagpo nila sa bangkay ng pahinante.
Sa imbestigasyon ng mga awtoridad ay posible umanong atake sa puso ang ikinamatay ng biktima.
Comments