P30-K halaga ng shabu, nakumpiska
Feb 15, 2022
1 min read
@Balitang Probinsiya | February 15, 2022
SORSOGON–Isang notoryus na drug pusher ang nakumpiskahan ng higit P30,000 halaga ng shabu kamakalawa sa Bgy. Pawa, Matnog.
Ang suspek ay nakilalang si Jorge Geralde, 51-anyos, nakatira sa nabanggit na barangay.
Ayon sa ulat, nagpanggap na buyer ng shabu ang mga operatiba at nang pagbentahan sila ng shabu ni Geralde ay dito na dinakip ang suspek.
Kusa namang sumama ang suspek nang dakpin siya ng mga operatiba sa nasabing barangay.
Nabatid na sinampahan na ng pulisya si Geralde ng kasong paglabag sa Dangerous Drugs Act of 2002.
Comments