NPA, sugatan sa engkuwentro

@Balitang Probinsiya | January 21, 2022

SORSOGON–Sugatan ang isang miyembro ng New People’s Army (NPA) sa naganap na engkuwentro sa pagitan ng tropa ng pamahalaan at mga komunista kamakalawa sa Bgy. Tondol, Donsol.

Ang sugatang NPA ay dinala ng mga kasamahan niyang komunista sa pagtakas.

Ayon sa ulat, nagpapatrulya ang tropa ng Philippine Army (PA) nang pagbabarilin sila ng mga NPA dahilan kaya gumanti ng putok ang mga awtoridad at dito tinamaan ng bala ang komunista.

Nang makitang sugatan ang kasamahan nilang NPA ay agad itong binuhat at saka tumakas ang mga komunista.

Nabatid na patuloy pang tinutugis ng tropa ng pamahalaan ang mga tumakas na NPA.