Notoryus na tulak, arestado sa buy-bust

@Balitang Probinsiya | January 25, 2022

CAPIZ–Isang notoryus na drug pusher ang naaresto sa isinagawang buy-bust operation ng mga awtoridad kamakalawa sa Bgy. Poblacion Ilaya, Panay.

Ang suspek ay kinilala ng pulisya na si Danni Bernaldez, 22-anyos at nakatira sa nabanggit na bayan.

Ayon sa ulat, nadakip ang suspek sa isinagawang buy-bust operation ng mga operatiba sa naturang barangay.

Napag-alamang nakakumpiska ang mga awtoridad ng tatlong sachets ng shabu at markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.