Notoryus na karnaper sugatan sa shootout

@Balitang Probinsiya | September 10, 2022

ILOILO—Isang notoryus na karnaper ang sugatan nang makipagbarilan sa pulisya kamakalawa sa Bgy. Acao, Cabuatan.

Nakilala ang suspek na nagtamo ng tama ng bala sa katawan na si Joan Lego, 41-anyos, nakatira sa nabanggit na bayan.

Ayon sa ulat, darakpin sana ng pulisya si Lego kaugnay sa mga kaso nitong carnapping, pero imbes na sumuko ay pinagbabaril nito ang mga awtoridad.

Dahil dito, gumanti ng putok ang pulisya kaya tinamaan ng bala ang suspek.

Kaagad dinala ng mga awtoridad ang sugatang si Lego sa ospital, at nabatid na nakumpiska sa pinangyarihan ng insidente ang shotgun, mga bala at granada.