Negosyante todas sa 1 armado

@Balitang Probinsiya | August 14, 2022

QUEZON—Isang negosyante ang namatay nang barilin ng hindi kilalang armadong lalaki kamakalawa sa Bgy. Manggalang 1, Sariaya.

Kinilala ng pulisya ang biktimang nagtamo ng mga tama ng bala sa katawan na si Caesar delos Reyes, 40-anyos, nakatira sa nabanggit na bayan.

Ayon sa ulat, habang minamaneho ni Delos Reyes ang kanyang motorsiklo at kaangkas ang kanyang kapatid at isang kaibigan, nang sumulpot ang suspek at agad pinagbabaril ang biktima.

Mabilis na tumakas ang suspek matapos ang pamamaril.

Patuloy pa ang imbestigasyon ng pulisya sa motibo ng suspek sa pagpatay sa biktima.