Negosyante nilikida sa tindahan
BULGAR
Oct 15, 2022
1 min read
@Balitang Probinsiya | October 15, 2022
ALBAY—Isang negosyante ang namatay nang barilin ng hindi kilalang armadong lalaki kamakalawa sa loob ng kanyang tindahan sa Bgy. Libtong, Libon.
Ang biktimang nagtamo ng mga tama ng bala sa katawan ay kinilalang si Jeson Se, nasa hustong gulang at nakatira sa nabanggit na barangay.
Ayon sa ulat, nasa loob ng kanyang tindahan si Se nang biglang sumulpot ang suspek at agad pinagbabaril ang biktima.
Mabilis na tumakas ang suspek matapos tiyaking patay na ang biktima.
Patuloy pa ang imbestigasyon ng pulisya para malaman ang motibo ng salarin sa pamamaslang sa biktima.
Comments