Negosyante, nilikida ng riding-in-tandem

@Balitang Probinsiya | January 24, 2022

LAGUNA--Patay ang negosyante nang barilin ng riding-in-tandem kamakalawa sa Bgy. Puting Kahoy, Rosario.

Kinilala ng pulisya ang biktimang nagtamo ng mga tama ng bala sa katawan na si Rodel Alegria, nasa hustong gulang, nakatira sa naturang bayan.

Ayon sa ulat, nasa loob ng kanyang tindahan si Alegria nang huminto sa harap ng establisimyento ang motorsiklong kinalululanan ng dalawang hindi kilalang suspek at agad pinagbabaril ang biktima.

Mabilis na tumakas ang mga suspek matapos tiyaking patay na ang biktima.

Patuloy pa ang imbestigasyon ng pulisya sa motibo ng mga suspek sa pagpatay sa biktima.