Negosyante nabiktima ng 'salisi gang'
BULGAR
Aug 27, 2022
1 min read
@Balitang Probinsiya | August 27, 2022
ISABEL—Isang negosyante ang natangayan ng P200,000 cash matapos mabiktima kamakalawa ng isang miyembro ng "Salisi Gang" sa palengke ng bayan ng San Mateo.
Ang biktima ay kinilala ng pulisya na si Joy Perlas, nakatira sa nasabing bayan.
Ayon sa ulat, isang babae umano ang bumili sa panindang karne ng manok ni Perlas at pagkaalis ng suspek ay napuna ng biktima na nawawala na ang kanyang shoulder bag na naglalaman ng naturang halaga na nakapatong sa lamesa.
Sinikap ng biktima na hanapin ang suspek, pero hindi na niya ito nakita.
Pinaghahanap na ng mga awtoridad ang suspek.
Comments