Napabayaang kandila, sanhi ng sunog
BULGAR
Jun 27, 2022
1 min read
@Balitang Probinsiya | June 27, 2022
NAGA CITY--Isang bahay ang tinupok ng apoy dahil sa napabayaang nakasinding kandila kamakalawa sa Bgy. Mabolo.
Ang may-ari ng bahay na nasunog ay nakilalang si Junie Contante, nakatira sa nabanggit na barangay.
Nabatid na nakita umano ng mga residente na biglang sumiklab ang sunog sa nasabing bahay kaya tumawag sila ng mga bumbero, at naapula rin ang apoy makalipas ang higit isang oras.
Wala namang iniulat na nadisgrasya sa naganap na sunog.
Sa imbestigasyon ng mga awtoridad, ay napag-alaman ang sanhi ng sunog ay ang napabayaang may sinding kandila sa loob ng bahay ni Contante.
Comments