Nagutom sa bundok, 2 NPA sumuko

@Balitang Probinsiya | September 12, 2022

SOUTH COTABATO—Dahil sa nararanasang gutom sa bundok, nagpasya ang dalawang miyembro ng New People's Army (NPA) na sumuko sa pamahalaan kamakalawa sa Bgy. Lambingi, Banga.

Para sa kanilang seguridad ay hindi na pinangalanan ng mga awtoridad ang mga sumukong komunista na kapwa kasapi ng NPA na nag-o-operate sa lalawigan.

Napag-alamang isinuko rin ng mga NPA ang mga dala nilang armas, bala sa subersibong dokumento sa mga awtoridad.

Ayon sa mga sumukong NPA, madalas umano silang makaranas ng gutom at nahihirapan na umano silang mamuhay sa bundok kaya sumuko sila sa pamahalaan.

Isinasailalim sa taktikal na interogasyon ang mga sumukong komunista.