Nagbenta ng pekeng gold bar, tiklo

@Balitang Probinsiya | August 17, 2023

CAMARINES SUR -- Isang lalaki na nagbenta ng pekeng gold bar ang inaresto ng pulisya kamakalawa sa Bgy. San Felipe, Naga City sa lalawigang ito.

Kinilala ng pulisya ang suspek na si James Rodriguez, nasa hustong gulang at nakatira sa Taguig City.

Nabatid na inaresto ng mga awtoridad si Rodriguez sa isinagawang buy-bust operation kaugnay sa ibinebenta nitong pekeng gold bar.

Hindi naman nanlaban ang suspek nang dakpin siya ng mga operatiba sa nabanggit na barangay.

Nakumpiska mula sa pag-iingat ng suspek ang isang pekeng gold bar at markadong pera.