Nadine, binuweltahan si Jobert Sucaldito

ni Ronalyn Seminiano Reonico | July 2, 2020

Photo: IG - @nadine / @unstoppable_jobert

Binuweltahan ni Nadine Lustre ang showbiz columnist at radio host na si Jobert Sucaldito sa kanyang Instagram Stories.

Aniya (posted as is), “You’re not seeing the bigger picture, Mr. Sucaldito. It’s messed up how you are completely unashamed of what u said. It’s never okay to push someone to commit suicide.

“I can’t believe you’re using this issue to fight our home network whose only objective is to protect us. Kahit pagbalibaliktarin mo, mali ‘yung sinabi mo. Inalis ka sa trabaho dahil MALI ‘YUNG SINABI MO and how th is this even on congress?! Someone enlighten me. PLS.”

Sa naganap kasi na ABS-CBN hearing sa Kongreso, nabanggit ni Jobert ang tungkol sa “illegal dismissal” sa kanya matapos ang naging issue niya sa magaling na aktres.

Nagsimula ang lahat dahil sa “suicide” issue. Matatandaang sa isang Instagram post ni Nadine ng babaeng naka-bikini sa balcony ay nagkomento si Jobert na diumano’y tumalon na lang ang aktres.

Post pa ni Nadine, “Ikaw na nga ‘yung sinabihan na tumalon tapos parang kasalan mo pa?? I’m sick and tired of these boomers treating mental issues like it’s a mf joke.

“Ayoko na. ‘Di ko na kaya mga ganap mamsh!”