Most wanted sa Masbate, tiklo sa Cavite

@Balitang Probinsiya | August 3, 2022

CAVITE—Isang most wanted sa Masbate ang naaresto ng pulisya kamakalawa sa kanyang hideout sa Bgy. Sabang, Naic.

Ang suspek ay kinilala ng pulisya na si Jumar Tugbo, nasa hustong gulang at pansamantalang nakatira sa naturang bayan.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong mga kasong murder at frustrated murder sa Masbate.

Ayon sa ulat, nakita ng mga nagpapatrulyang pulisya si Tugbo sa nasabing lugar kaya agad itong dinakip.

Kusa namang sumama sa pulisya ang suspek at ngayon ay nakapiit na siya sa detention cell ng himpilan ng pulisya.