Most wanted ng Quezon huli sa Sorsogon

@Balitang Probinsiya | Enero 12, 2023

SORSOGON—Isang most wanted criminal sa Quezon ang nadakip ng pulisya kamakalawa sa kanyang hideout sa Bgy. La Union, Castilla.

Ang suspek ay kinilala ng pulisya na si Michael Zepeda, nasa hustong gulang at pansamantalang nakatira sa nasabing bayan.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa Quezon.

Ayon sa ulat, may nag-tip sa pulisya sa pinagtataguan ng suspek, kaya agad rumesponde ang mga operatiba at inaresto ito sa nasabing barangay.

Nakapiit na ang suspek sa detention cell ng himpilan ng pulisya.