Most wanted nasakote
- BULGAR
- May 13, 2022
- 1 min read
@Balitang Probinsiya | May 13, 2022
ORIENTAL MINDORO – Isang most wanted na killer ang nadakip ng mga tauhan ng pulisya kamakalawa sa kanyang hideout sa Bgy. Bayanan, Pola sa lalawigang ito.
Kinilala ng pulisya ang suspek si Bayani Manguera, nasa hustong gulang at pansamantalang nakatira sa nabanggit na barangay.
Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa lalawigan.
Nabatid na may nagbigay impormasyon sa pulisya sa pinagtataguan ni Manguera kaya agad rumesponde ang mga awtoridad at inaresto ang supek.
Hindi naman nanlaban ang suspek sa mga awtoridad at sa ngayon ay nakapiit na siya sa detention cell ng himpilan ng pulisya.
Comments