Most wanted na rapist nasakote

@Balitang Probinsiya | July 24, 2022

CEBU—Inaresto ng pulisya ang isang most wanted na rapist kamakalawa sa kanyang hideout sa Bgy. Buhisan, Cebu City.

Ang suspek ay kinilala ng pulisya na si Christopher Pascual, nasa hustong gulang at pansamantalang nakatira sa naturang bayan.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.

Ayon sa ulat, nakita ng nagpapatrulyang pulisya si Pascual sa nasabing lugar kaya agad itong dinakip.

Kusa namang sumama sa pulisya ang suspek at ngayon ay nakapiit na siya sa detention cell ng himpilan ng pulisya.