Most wanted na rapist, nasakote

@Balitang Probinsiya | July 14, 2022

CAVITE—Isang most wanted na rapist sa Aklan ang naaresto ng pulisya kamakalawa sa kanyang hideout sa bayan ng Molino.

Ang suspek ay kinilala ng pulisya na si Anthony Acuesta, nasa hustong gulang at pansamantalang nakatira sa naturang bayan.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa Aklan.

Ayon sa ulat, nakita ng mga nagpapatrulyang pulisya si Acuesta sa nasabing bayan kaya agad itong dinakip.

Kusa namang sumama sa pulisya ang suspek at ngayon ay nakapiit na siya sa detention cell ng himpilan ng pulisya.