Most wanted criminal, arestado
- BULGAR
- Feb 24, 2022
- 1 min read
@Balitang Probinsiya | February 24, 2022
SORSOGON–Isang most wanted criminal ang nadakip ng pulisya kamakalawa sa kanyang hideout sa Bgy. Bayasong, Pilar.
Ang suspek ay kinilala ng pulisya na si Jose Annonuevo, nasa hustong gulang at pansamantalang nakatira sa nabanggit na barangay.
Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.
Nabatid na may nag-tip sa pulisya sa pinagtataguan ni Annonuevo kaya agad rumesponde ang mga operatiba at inaresto ang suspek.
Nakapiit na ang suspek sa detention cell ng himpilan ng pulisya.
Comments