Miyembro ng NPA todas sa engkuwentro

@Balitang Probinsiya | Enero 10, 2023

AGUSAN DEL NORTE—Patay sa naganap na engkuwentro ang kasapi ng New People’s Army (NPA) kamakalawa sa Bgy. Taligaman, Butuan City.

Ang napatay na komunista ay kinilala pa ng mga awtoridad.

Nabatid na may tinanggap na impormasyon ang mga awtoridad na may mga armadong lalaki na gumagala sa nasabing baranga, kaya agad rumesponde ang mga sundalo ng Philippine Army (PA) at darakpin na sana ang mga komunista pero pinagbabaril ng mga suspek ang mga kawal ng pamahalaan.

Ayon sa ulat, nakaganti agad ng putok ang mga awtoridad dahilan, kaya napatay ang isang komunista.

Sa ngayon ay patuloy pang tinutugis ng tropa ng pamahalaan ang mga tumakas na miyembro ng NPA.