Mister sinaksak ng misis

@Balitang Probinsiya | May 26, 2022

CAPIZ – Isang mister ang nasa kritikal na kalagayan nang saksakin ng kanyang misis kamakalawa sa Bgy. San Jose, Dumalag sa lalawigang ito.

Kinilala ng pulisya ang biktimang nagtamo ng isang tama ng saksak sa katawan na si Aladin Getano, 41-anyos, samantalang ang suspek ay ang misis nito na si Christine, nasa hustong gulang at nakatira sa nasabing barangay.

Ayon sa ulat, nagkaroon umano ng pagtatalo ang mag-asawa na humantong sa pananaksak ng suspek sa biktima.

Agad dinala ng mga saksi si Aladin sa ospital at kasalukuyan na itong ginagamot.

Mabilis namang naaresto ng mga nagrespondeng tauhan ng pulisya ang suspek na nahaharap ngayon sa kasong attempted parricide.