Mister patay, misis, 2 pa sugatan sa ambush

@Balitang Probinsiya | Enero 6, 2023

MAGUINDANAO DEL SUR—Isang mister ang namatay at sugatan naman ang misis nito at dalawang iba pa sa pang-a-ambush na ginawa ng mga hindi kilalang salarin kamakalawa sa Bgy, Lower Salbu, Datu Saudi Ampatuan.

Kinilala ng pulisya ang nasawi na si Junior Sumlay, 42-anyos, samantalang sugatan naman ang misis nito na si Fatima, 42-anyos, anak nilang 1-taong gulang at isang Guiaria Mohamad, pawang nakatira sa naturang bayan.

Ayon sa ulat, habang lulan ang mga biktima ng multi-cab ay sumulpot ang mga suspek at agad pinagbabaril ang mga biktima.

Matapos ang pamamaril ay mabilis na tumakas ang mga suspek.

Nagpalabas na ng manhunt operation ang pulisya para madakip ang mga salarin.