Misis, pinatay ng mister

@Balitang Probinsiya | November 12, 2021

AKLAN—Isang 37-anyos na misis ang sinaksak sa leeg at napatay ng kanyang mister kamakalawa sa Bulwang, Numancia.

Ang biktima na nagtamo ng isang tama ng saksak sa leeg ay nakilalang si Lovely, samantalang ang suspek ay ang mister nito na si Andres Suarez, 39-anyos at kapwa nakatira sa nabanggit na barangay.

Ayon sa ulat, nagkaroon ng pagtatalo ang mag-asawa hanggang sa kumuha ng patalim si Andres at sinaksak sa leeg ang misis na agad nitong ikinamatay.

Kaagad namang nadakip ng mga rumespondeng pulisya ang suspek.

Nakapiit na si Suarez na nahaharap sa kasong parricide.