@Balitang Probinsiya | August 18, 2022
ALBAY—Isang lalaking may kasong child abuse ang nadakip ng pulisya kamakalawa sa kanyang hideout sa Bgy. San Roque, Legazpi City.
Ang suspek ay itinago muna ng pulisya sa alyas Arthur habang siya ay iniimbestigahan ng mga awtoridad.
Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong paglabag sa "Special Protection of Children Against Abuse, Exploitation and Discrimination Act."
Napag-alamang nakita ng mga operatiba ang suspek na naglalakad sa naturang barangay kaya agad itong dinakip.
Nakapiit na ang suspek sa detention cell ng himpilan ng pulisya.