Matandang dalaga, natagpuang patay

@Balitang Probinsiya | April 20, 2022

AKLAN – Isang 59-anyos na matandang dalaga ang natagpuang patay kamakalawa sa loob ng kanyang bahay kamakalawa sa Bgy. Poblacion, Makato sa lalawigang ito.

Sa kahilingan ng pamilya ay hindi na pinangalanan ang matandang dalaga na residente ng nabanggit na barangay.

Nabatid na ilang batang naglalaro ang nakalanghap na masangsang na amoy na nagmumula sa bahay ng matandang dalaga kaya't sinabi nila ito sa kanilang mga magulang.

Nang puntahan ng mga magulang ng mga bata ang bahay ay dito natagpuan na patay na ang matandang dalaga.

Sa imbestigasyon ng mga awtoridad ay posible umanong atake sa puso ang ikinamatay ng matandang dalaga.