Manyakis, timbog sa bigong rape

@Balitang Probinsiya | February 12, 2022

CAMARINES NORTE–Isang 41-anyos na manyakis ang dinakip ng pulisya matapos na pagtangkaang gahasain ang kanyang hipag na menor-de-edad kamakalawa sa bayan ng Capalonga.

Hindi na muna pinangalanan ang suspek habang iniimbestigahan pa ito ng mga awtoridad.

Ayon sa biktimang itinago sa pangalang “Nancy”, 13-anyos, nag-iisa siya sa kanilang bahay nang dumating ang suspek at dito siya pinagtangkaang gahasain.

Nabatid na nanlaban si “Nancy” at sumigaw na humihingi ng saklolo sa mga kapitbahay kaya tumakbong patakas ang suspek.

Nagtungo sa pulisya ang biktima at inireklamo ang kanyang bayaw at sa follow-up operation ng mga operatiba ay agad nadakip ang suspek sa naturang bayan.