Mangingisda, arestado sa boga
Feb 8, 2022
1 min read
@Balitang Probinsiya | February 08, 2022
CAMARINES NORTE–Isang mangingisda ang inaresto ng pulisya nang makumpiskahan ng baril at mga bala kamakalawa sa loob ng kanilang bahay sa Manguisoc, Mercedes.
Hindi muna pinangalanan ng pulis ang suspek habang iniimbestigahan ito ng mga awtoridad.
Nabatid na sinalakay ng pulisya ang bahay ng mangingisda sa bisa ng search warrant na inisyu ng korte at dito nakumpiska ang .38 revolver at mga bala.
Hindi naman nanlaban ang suspek nang dakpin siya ng mga awtoridad.
Nakapiit na ang suspek na nahaharap sa kasong illegal possession of firearms and ammunitions.
Comments