Magsasaka, todas sa lolo

@Balitang Probinsiya | October 22, 2020

QUEZON—Patay ang isang magsasaka nang saksakin ng 82-anyos na lolo kamakalawa sa Bgy. San Antonio Pala, Catanauan.

Kinilala ang biktima na nagtamo ng tama ng saksak sa likod ay nakilalang si Norberto delos Angeles, 33-anyos, samantalang ang suspek ay si Terso Olimba, kapwa nakatira sa nabanggit na barangay.

Batay sa imbestigasyon, nagkaroon ng pagtatalo sina Delos Angeles at Olimba na humantong para saksakin ng suspek ang biktima.

Kaagad dinala ng mga saksi sa ospital si Delos Angeles, pero idineklara itong dead-on-arrival.

Nakatakdang sampahan ng pulisya ng kasong homicide ang suspek.