@Balitang Probinsiya | March 2, 2021
ISABELA—Isang magsasaka ang pinagbabaril at napatay ng dalawang hindi kilalang armadong lalaki kamakalawa sa Bgy. Minanga, San Mariano.
Kinilala ng pulisya ang biktimang nagtamo ng mga tama ng bala sa katawan na si Edwin Dancel, residente ng Bgy. Sevillana, Benito Soliven sa nasabing lalawigan.
Ayon sa ulat, pauwi na umano si Dancel sa kanilang bahay nang biglang sumulpot ang dalawang suspek at agad pinagbabaril ang biktima.
Matapos tiyaking patay na ang biktima ay mabilis na tumakas ang mga salarin.
Iniimbestigahan na ng pulisya sa motibo ng mga suspek sa pagpatay sa biktima.