Magsasaka, tinepok ng utol

@Balitang Probinsiya | March 5, 2021

QUEZON—Isang magsasaka ang namatay nang barilin ng kanyang nakababatang kapatid kamakalawa sa Bgy. Lagalag, Tiaong.

Kinilala ng pulisya ang biktima na si Benerando Capina, 52-anyos, samantalang ang suspek ay ang kapatid nitong si Roderick, 50-anyos, kapwa residente sa nasabing barangay.

Ayon sa ulat, habang nag-uusap ay nagkaroon ng pagtatalo ang magkapatid na humantong para barilin ng suspek sa ulo ang biktima.

Matapos mapatay ang kanyang kapatid ay agad tumakas ang suspek.

Pinaghahanap na ng pulisya si Roderick na nahaharap sa kasong parricide.