Magsasaka, sugatan sa pananaga

@Balitang Probinsiya | February 21, 2022

CAPIZ–Sugatan ang isang magsasaka nang tagain ng hindi kilalang lalaki kamakalawa sa Bgy. Traciano, Dumarao.

Kinilala ng pulisya ang biktimang nagtamo ng mga tama ng taga sa katawan na si Rowel Layes, 38-anyos, nakatira sa nasabing barangay.

Ayon sa ulat, natutulog umano si Layes sa labas ng kanilang bahay nang pagtatagain ng hindi kilalang suspek.

Matapos ang pananaga ay tumakas ang suspek, samantalang dinala ng mga residente ang biktima sa ospital at kasalukuyan pa itong inoobserbahan sa pagamutan.

Patuloy pa ang imbestigasyon ng pulisya para madakip ang suspek.