Magsasaka, pinatay ng kapwa magsasaka

@Balitang Probinsiya | January 28, 2022

CAPIZ–Patay ang magsasaka nang pagbabarilin ng kapwa niya magsasaka kamakalawa sa Bgy. Artuz, Tapaz.

Kinilala ng pulisya ang biktimang nagtamo ng mga tama ng bala sa katawan na si Rico Gardose, 34-anyos, samantalang ang suspek ay si Diether Anatacio, 25-anyos, kapwa residente sa nasabing barangay.

Ayon sa ulat, habang nasa loob ng kanilang bahay si Gardose ay kumatok si Anatacio at nang pagbuksan ng pinto ay agad pinagbabaril ng suspek ang biktima.

Mabilis na tumakas ang suspek matapos tiyaking patay na ang biktima.

Patuloy pa ang imbestigasyon ng pulisya sa motibo ng suspek sa pagpatay sa biktima.