Magsasaka, pinagbabaril

@Balitang Probinsiya | April 22, 2023

ALBAY—Isang magsasaka ang namatay nang barilin ng hindi kilalang lalaki, kamakalawa sa Bgy. Tagoytoy, Malinao sa lalawigang ito.

Ang biktimang nagtamo ng mga tama ng bala sa katawan ay nakilalang si Arnel Floriano, 47, nakatira sa naturang bayan.

Ayon sa ulat, habang nasa bahay si Floriano ay may tumawag sa kanya mula sa labas, at paglabas ng biktima ay agad itong pinagbabaril ng salarin.

Mabilis na tumakas ang suspek nang matiyak na patay na ang biktima.

Iniimbestigahan pa ang motibo ng suspek sa pamamaslang kay Floriano.