Mag-inang tulak, tiklo sa drug-bust

@Balitang Probinsiya | January 27, 2022

CAVITE–Inaresto ng mga awtoridad ang mag-inang drug pusher sa drug-bust operation kamakalawa sa Bgy. Maderan, General Mariano Alvarez.

Hindi na muna pinangalanan ng mga awtoridad ang mag-inang suspek habang isinasailalim sila sa masusing imbestigasyon upang madakip ang mga drug dealer na nagsu-supply sa kanila ng droga.

Ayon sa ulat, naaresto ang mga suspek sa isinagawang drug-bust operation ng mga operatiba sa nabanggit na barangay.

Nakapiit na ang mag-inang suspek na kapwa nahaharap sa kasong paglabag sa Comprehensive Dangerous DrugS Act of 2002.

Nakakumpiska ang mga awtoridad ng anim na gramo ng shabu at markadong pera sa pag-iingat ng mag-inang suspek.