Mag-asawa at 2 anak naaksidente

@Balitang Probinsiya | November 27, 2022

AKLAN—Sugatan ang mag-asawa at dalawa nilang anak ng aksidenteng sumemplang ang kinalululanan nilang motorsiklo kamakalawa sa Bgy. Poblacion, Estancia.

Sa ngayon ay inaalam pa ng mga awtoridad ang pagkakakilanlan ng mga biktima.

Ayon sa ulat, nawalan umano ng kontrol sa pagmamaneho ang driver, habang kaangkas ang kanyang misis at dalawang menor-de-edad na anak nang biglang may tumawid na aso kaya sumemplang sa kalsada ang sinasakyan nilang motorsiklo.

Napag-alamang nagtamo ang mga biktima ng mga sugat sa ulo, kamay at katawan.

Kaagad dinala ng mga saksi ang mga biktima sa ospital at kasalukuyan pa silang ginagamot sa pagamutan.