Mag-amang NPA, timbog
BULGAR
Aug 17, 2022
1 min read
@Balitang Probinsiya | August 17, 2022
MASBATE—Nadakip ng mga awtoridad ang mag-amang miyembro ng New People's Army (NPA) kamakalawa sa Bgy. Jamorawon, Milagros.
Ang mag-amang suspek ay nakilalang sina Manolito, 56-anyos at Argie Apalit, 33-anyos, kapwa miyembro ng NPA na nag-o-operate sa naturang lalawigan.
Nabatid na inaresto ng mga awtoridad ang mag-amang NPA dahil sa kinasasangkutan nilang mga kasong multiple murder at frustrated murder.
Napag-alamang nakakumpiska ang mga operatiba ng .45 pistola, dalawang bomba at mga bala sa pag-iingat ng mag-amang NPA.
Hindi naman nanlaban ang mag-amang NPA nang dakpin sila ng mga awtoridad sa nasabing barangay.
Comments