Mag-amang komunista, sumurender
- BULGAR
- Jul 2, 2022
- 1 min read
@Balitang Probinsiya | July 2, 2022
NORTH COTABATO—Dahil sa nararanasang hirap sa bundok, nagpasya ang mag-amang miyembro ng New People’s Army (NPA) na sumuko sa pamahalaan kamakalawa sa bayan ng Arakan.
Para sa kanilang seguridad ay hindi na pinangalanan ng mga awtoridad ang mag-amang komunista na sumuko, na kapwa kasapi ng NPA na nag-o-operate sa lalawigan.
Napag-alamang isinuko rin ng mag-amang NPA ang mga dala nilang armas,bala sa subersibong dokumento sa mga awtoridad.
Ayon sa mag-amang sumukong NPA, nakararanas na umano sila ng hirap na mamuhay sa bundok at nais na rin nilang magbagong-buhay kaya sumuko sila sa pamahalaan.
Comments