Lolo todas sa karambola

@Balitang Probinsiya | August 5, 2022

ISABELA—Patay ang 65-anyos na lolo at dalawa pa ang sugatan sa naganap na karambola o banggaan ng tatlong sasakyan kamakalawa sa Bgy. Marana 1st, Ilagan City.

Kinilala ang nasawi na si Sammy Tanilon, samantalang ang mga sugatan ay sina John Penera, 30-anyos at Juanito Buizon, 47-anyos, pawang nakatira sa nasabing lalawigan.

Ayon sa ulat, nawalan umano ng kontrol si Buizon sa pagmamaneho ng kolong-kolong kaya aksidenteng nabangga nito ang mga motosiklong minamaneho nina Tanilon at Penera.

Nabatid na dinala ng mga saksi ang mga biktima sa ospital, pero idineklarang dead-on-arrival si Buizon dahil sa malaking pinsala sa ulo sa naganap na aksidente.

Bagama’t sugatan din sa naganap na aksidente ay sasampahan ng pulisya si Buizon ng kasong reckless imprudence resulting to homicide, physical injury and damage to property.