Lolo, nilikida ng armado

@Balitang Probinsiya | January 17, 2022

NUEVA ECIJA--Patay ang 70-anyos na lolo nang barilin ng hindi kilalang armadong lalaki kamakalawa sa Bgy. Cavite, Guimba.

Kinilala ng pulisya ang biktimang nagtamo ng mga tama ng bala sa katawan na si Ernesto de Guzman, nakatira sa naturang bayan.

Ayon sa ulat, lulan si De Guzman ng kanyang motorsiklo nang sumulpot ang suspek at agad pinagbabaril ang biktima.

Mabilis na tumakas ang suspek matapos tiyaking patay na ang biktima.

Patuloy pa ang imbestigasyon ng pulisya sa motibo ng suspek sa pagpatay sa biktima.