Lolo natagpuang patay sa ilog

@Balitang Probinsiya | May 3, 2022

AKLAN – Isang 67-anyos na lolo ang natagpuang patay kamakalawa sa ilog na sakop ng Bgy. Poblacion, New Washington sa lalawigang ito.

Kinilala ang biktima na si Rolando Montano, residente ng nabanggit na barangay.

Nabatid na ilang residente ang nakatagpo sa bangkay ng biktima na nakalutang sa nasabing ilog.

Sa pagsisiyasat ng pulisya, huli umanong nakitang buhay si Montano na nagpa-pump ng tubig sa bangka nito.

Patuloy pa ang imbestigasyon ng mga awtoridad kung aksidenteng nahulog sa ilog kaya nalunod ang lolo o kung may foul play na naganap sa pagkamatay ng biktima.