Lolo natagpuang patay sa bahay-kubo
BULGAR
Apr 18, 2022
1 min read
@Balitang Probinsiya | April 18, 2022
AKLAN – Isang 77-anyos na lolo ang natagpuang patay sa loob ng kanyang bahay-kubo kamakalawa sa Bgy. Pook, Kalibo sa lalawigang ito.
Kinilala ang biktima na si Lodovico Villaruel, Jr., residente ng nabanggit na barangay.
Nabatid na ilang residente sa nasabing barangay ang nakatagpo sa bangkay ng biktima sa loob ng bahay-kubo nito.
Napag-alaman na wala namang palatandaan na pinatay ang biktima.
Sa imbestigasyon ng mga awtoridad ay posible umanong atake sa puso ang ikinamatay ni Villaruel.
Comments