Lolo nanuntok ng kelot arestado

@Balitang Probinsiya | September 11, 2022

ALBAY—Isang 62-anyos na lolo ang dinakip ng pulisya dahil sa panununtok kamakalawa sa Bgy. Market Site, Daraga.

Kinilala ang suspek na si Senen Ombao, samantalang ang biktima ay si Josue Candoy, nasa hustong gulang, at kapwa nakatira sa nabanggit na bayan.

Ayon sa ulat, habang nag-uusap ay nagkaroon ng pagtatalo sina Ombao at Candoy hanggang sa suntukin ng suspek ang biktima na tinamaan sa mukha.

Nabatid na naglabas pa si Candoy ng paper cutter at iwinasiwas ito kay Candoy.

Dahil dito, humingi ng tulong sa pulisya si Candoy at inireklamo si Ombao kaya rumesponde ang mga awtoridad at dinakip ang suspek na nahaharap sa kasong physical injury.