Lolo nalunod sa dagat
BULGAR
Apr 20, 2022
1 min read
@Balitang Probinsiya | April 20, 2022
CATANDUANES – Isang 67-anyos na lolo ang namatay nang malunod kamakalawa sa dagat na sakop ng Brgy. Salvacion, Baras sa lalawigang ito.
Ang biktima ay kinilala ng pulisya na si Rene Tolledo, nakatira sa naturang barangay.
Ayon sa ulat, huling nakitang buhay ang lolo habang nanghuhuli ng isda sa baybaying dagat gamit ang isang maliit na lambat.
Nabatid na nakita ng mga residente na tinangay ng alon ang lolo kaya nagawi ito sa malalim na bahagi ng dagat kaya nalunod.
Agad sumaklolo ang mga residente, pero patay na nang maiahon sa dagat ang biktima.
Comments