Lola todas sa motorsiklo
BULGAR
Oct 6, 2022
1 min read
@Balitang Probinsiya | October 6, 2022
ALBAY—Isang lola ang namatay nang aksidenteng mabangga ng isang motorsiklo kamakalawa sa Bgy. Bonga-Bayan, Bacacay.
Ang biktima ay nakilalang si Maximina Bolanos, 69-anyos, nakatira sa nabanggit na barangay.
Ayon sa ulat, mabilis umano ang takbo ng motorsiklong minamaneho ni Mario Boncodin, nasa hustong gulang, kaya aksidenteng nabangga nito ang lola na tumatawid sa kalsada.
Nabatid na dahil sa lakas ng pagkakabangga ay nagtamo ng malaking pinsala sa ulo ang biktima na agad nitong ikinamatay.
Nahaharap si Boncodin sa kasong reckless imprudence resulting to homicide.
Comments