Lola natagpuang patay sa ilog

@Balitang Probinsiya | September 1, 2022

AKLAN—Isang 74-anyos na lola ang natagpuang patay kamakalawa habang nakalutang sa ilog ng Bgy. Ginictan, Altavas.

Sa kahilingan ng pamilya ay hindi na pinangalanan ng pulisya ang biktima na residente sa nasabing barangay.

Nabatid na ilang residente ang nakatagpo sa nakalutang na bangkay ng biktima sa ilog sa naturang lugar.

Ayon sa ulat, huling nakitang buhay umano ang biktima habang naglalaba sa ilog.

Sa pagsisiyasat ng pulisya ay napag-alamang nadulas ang biktima at tumama ang mukha nito sa bato dahilan kaya ito nawalan ng ulirat at nalunod sa ilog.