Lasing sinaksak ng katoma

@Balitang Probinsiya | June 9, 2022

AKLAN--Isang lasing ang nasa kritikal na kalagayan nang saksakin ng kanyang kainuman kamakalawa sa Bgy. Old Buswang, Kalibo.

Ang biktima ay nakilalang si Reylon Dingcalan, 31-anyos, samantalang ang suspek ay si Jose Erenea, 54-anyos, kapwa residente sa nabanggit na bayan.

Ayon sa ulat, nang malasing umano sa inuman ay naging makulit na si Dingcalan kaya nagkaroon sila ng pagtatalo ng kainuman niyang si Erenea na humantong para maglabas ng patalim at saksakin ng suspek ang biktima sa iba't ibang parte ng katawan.

Kaagad dinala ng mga saksi si Dingcalan sa ospital at kasalukuyan pa itong inoobserbahan sa pagamutan.

Nakapiit na ang suspek na nahaharap sa kasong frustrated murder.