Lasing na kelot nalunod
- BULGAR
- May 27, 2022
- 1 min read
@Balitang Probinsiya | May 27, 2022
QUEZON – Isang lasing na lalaki ang namatay nang malunod kamakalawa sa ilog na sakop ng Lucena City sa lalawigang ito.
Ang biktima ay kinilala ng pulisya na si Fajarit Gruta, 48-anyos, residente ng Bgy. Cotta sa nabanggit na lungsod.
Nabatid na huli umanong nakitang buhay si Gruta habang pasuray-suray na naglalakad sa gilid ng ilog sa nasabing lugar.
Ayon sa mga residente, nang makita nilang nawala sa gilid ng ilog si Gruta ay agad nila itong pinuntahan, pero hindi nila nakita ang biktima.
Napag-alaman na matapos ang ilang oras ay lumutang ang bangkay ng biktima sa naturang ilog.
Comments