Lasing dedbol sa shotgun

@Balitang Probinsiya | December 11, 2022

BATAAN—Isang lasing ang binaril ng shotgun at napatay ng kanyang nakaalitang kainuman kamakalawa sa Bgy. Tabing-Ilog, Bagac.

Ang biktima na nagtamo ng mga tama ng sharpnels sa katawan ay nakilalang si Rudy Magtanong, samantalang ang suspek ay si Romulo Perez, kapwa nasa hustong gulang at parehong nakatira sa nasabing barangay.

Ayon sa pulisya, habang nag-iinuman ay nagkaroon ng pagtatalo sina Magtanong at Perez na humantong para kumuha ng shotggun ang suspek at binaril ang biktima.

Kaagad dinala ng mga saksi ang biktima sa pagamutan, pero idineklara itong dead-on-arrival.

Nabatid na agad nadakip ng pulisya ang suspek na nahaharap sa kasong murder at illegal possession of firearms and ammunitions.