Lasing dedbol sa shotgun
BULGAR
Oct 6, 2022
1 min read
@Balitang Probinsiya | October 6, 2022
PALAWAN—Isang lasing ang namatay nang barilin ng shotgun ng kanyang kapitbahay kamakalawa sa Bgy. Culandalum, Bataraza.
Kinilala ng pulisya ang biktimang nagtamo ng mga tama ng bala sa katawan na si Belmonte Ubogan, 26-anyos, samantalang ang suspek ay si William Suprecencia, nasa hustong gulang at kapwa residente sa nasabing bayan.
Ayon sa ulat, nagkaroon ng pagtatalo sina Ubogan at Suprecencia kaya binaril ng shotgun ng suspek ang biktima.
Matapos tiyaking patay na ang biktima ay saka sumuko sa pulisya ang suspek.
Nahaharap ang suspek sa kasong murder.
Comments