Laborer, tinodas ng kainumang bagets

@Balitang Probinsiya | February 23, 2021

ISABELA—Patay ang 23-anyos na laborer nang saksakin kanyang kainumang binatilyo kamakalawa sa Bgy. Marabulig 1, Cauayan City.

Kinilala ng pulisya ang biktima na si Christian Tabo, samantalang ang suspek ay itinago sa pangalang “Totoy”, 17-anyos, kapwa residente sa nasabing barangay.

Ayon sa ulat, habang nag-iinuman sina “Tabo” at “Totoy” ay nagkaroon sila nang pagtatalo kaya sinaksak ng suspek sa dibdib ang biktima.

Kaagad dinala ng mga residente si Tabo sa ospital, pero hindi na ito umabot nang buhay sa pagamutan.

Nabatid na nagtangka pang tumakas ang suspek, pero mabilis siyang nadakip ng mga nagrespondeng pulisya.